A Fundación Brandomil comezou cos traballos da segunda fase da intervención arqueolóxica no camiño de Pedra do Altar.
Segundo informan desde esta entidade “estes estanse a desenvolver os traballos de limpeza de entullos así como dun vertedoiro incontrolado que existía no camiño das fincas propiedade da Fundación”.
Nova escavación en Brandomil
Posteriormente realizarase a limpeza da vexetación e a preparación do terreo para o paso do xeorradar a vindeira semana. O obxectivo desta acción é delimitar o xacemento romano de Pedra do Altar.
E no mes de agosto, iniciarase unha nova escavación baixo a dirección do arqueólogo xalleiro Lino Gorgoso, que xa traballou nesta zona do concello de Zas.
