11.9 C
Santa Comba
domingo, noviembre 27, 2022

Santa Comba despide a un veciño egrexio, Manuel Boo Calvo

Este xoves falecía ós 93 anos de idade Manuel Boo Calvo. Un xalleiro comprometido coa cultura popular. Está sendo velado no Tanatorio Carracedo de Santa Comba (Sala 1).

O enterro será este sábado 11 de xuño. Ás 10,45 h da mañá sairá do Tanatorio celebrándose o funeral e o sepelio na igrexa e no cemiterio parroquial de San Xoán de Grixoa.

Manuel Boo Calvo gaiteiro, artesán e boa persoa

Manuel Boo Calvo “O Achiso” foi zapateiro de oficio, pero era un apaixoado da gaita. Aprendiu a tocar pero tamén iniciouse como artesán. Primeiro con torno feito por el mesmo. Na música iniciouse cos “Uchas”, unha estirpe de músico xalleiros e na construción de instrumentos formouse en Pontevedra cuns artesáns moi coñecidos que acabarían formando a Orquestra Poceiro.

E segundo acreditan distintas fontes fixo gaitas de calidade, primeiro acordes coa época e logo apostando pola evolución. Pasou de elaborar punteiros para toque pechado a os de toque aberto, polas necesidades dos gaiteiros. Profesional, traballador, afable, humilde e honesto. Así é como definen a Manuel Boo.

Santacombers tocándolle a Manuel Boo Calvo
Santacombers tocándolle a Manuel Boo– Foto Pablo Seoane-Facebook

Veciños de Grixoa e Pablo Seoane

Desde a asociación de veciños de San Xoán de Grixoa expresaron as súas condolencias nun “día moi triste” e louvaron o traballo deste veciño:”Perdemos a conta da cantidade de gaitas que naceron da labor das súas mans.Déixanos orfos da artesanía de vello, do facer amodiño e con cariño”. Refírense a él como “unha gran persoas e un mellor profesional do seu”.

O mestre gaiteiro, Pablo Seoane, que leva máis de dúas décadas vencellado á comarca xalleira sinalou que estamos diante do último artesán de gaitas que quedaba en Santa Comba. Destacou tamén o seu manexo da gaita e o feito de ser “unha gran persoa”.

Foto- Pablo Seoane- Homenaxe que lle fixeron os Santacombers ao Señor Boo

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,791SeguidoresSeguir
505SuscriptoresSuscribirte

Últimos artigos