Xa o adiantara o presidente da asociación de empresarios, Alberto Romar, nunha entrevista en Radio Xallas. Que o proxecto “Santa Comba en Cores” deixara un bo sabor de boca e ía ter continuidade.
Segunda edición
O obxectivo desta segunda edición será o embelecemento de seis murais e unha fachada do concello de Santa Comba “para dar alegría e adecentar certas zonas visibles con temàticas tales como a multiculturalidade, medio-ambiente, persoeiros da cultura xalleira e galega, Vía Céltica , gandería…”.
A actuación prevista nesta segunda edición conta cun orzamento de 7.000 euros.
Crowfunding en marcha
Poñen en marcha un crowfunding para consegui-lo financiamento necesario. Empresas ou particulares poden formalizar as súas achegas nas dependencias da asociación ou ben mediante ingreso nunha conta bancaria. De feito xa están recibindo axudas.
O proxecto executarase no mes de xullo por medio de tres artistas da empresa Vella Escola. Desde a asociación de empresarios piden apoio “para poder levar a cabo o proxecto íntegro que gustará e moito”.
Cando se remate o proxecto desde a patronal xalleira realizarán “un vídeo de agradecemento no cal mencionaremos a tódolos colaboradores”.
