“Uns días sae con moito cloro e outros días a auga vén sen cloro ningún” Así resumen desde a ANPA do colexio “Pepe de Xan Baña” de Traba- Castriz a situación que están vivindo.
Este xoves tiveron que suspender o servizo de comedor. Desde a entidade puxéronse en contacto con este xornal para expresar as súas queixas “por un problema que vimos arrastrando desde 2019 e que se veu remendando”.
Afirman que desde o centro remitiron varios escritos ao concello e aínda que no mesmo día, ao parecer, se recuperaran os níveis e estaba previsto instalar unha “cloradora”, non ocultan a súa preocupación, por algo que temen que se siga repetindo.
“Non estamos pedindo que arreglen unha plaqueta. É algo moi serio, é a saúde dos nosos nenos. Pedimos unha solución” indican desde a asociación de nais e pais.