17 C
Santa Comba
viernes, julio 1, 2022

Acto vandálico en Caión

A vila de Caión sufriu durante a pasada madrugada un acto vandálico que supuxo a queima de catro contedores de lixo (iglús de vidro e papel-cartón e colectores amarelos de envases e gris da fracción resto) situados na Avenida Méndez Núñez -baixada ao porto desde a praza Eduardo Vila Fano- e provocou importantes danos no cadro e transformador eléctricos existentes nas súas inmediacións.

Aproximadamente ás catro da mañá acudiron os bombeiros de Carballo para sufocar o incendio. Tamén se persoaron no lugar axentes da Garda Civil.

Como consecuencia deste acto, varios edificio de Caión sufriron o corte do subministro eléctrico durante a noite, que foi restablecido nesta mañá. Do mesmo xeito, tamén se viu afectado o servizo de iluminación pública. O Concello fixo as comprobacións oportunas para detectar posibles danos no alumeado.

A Policía Local da Laracha iniciou unha investigación para tratar de dar cos responsables do sucedido, solicitando a colaboración cidadá co propósito de esclarecer os feitos.

O Concello lamenta profundamente o sucedido, non só polo custe económico que suporá para as arcas municipais, tamén por perturbar a tranquilidade da vila e provocar incidencias no subministro eléctrico tanto en vivendas particulares como en establecementos comerciais. Do mesmo xeito, o Concello mostra a súa preocupación pola sucesión de actos vandálicos que se están a rexistrar na vila de Caión nas últimas semanas, xa que tamén se produciron recentemente a queima doutro contedor de lixo, o roubo de dous amarres de colectores e a ruptura de varias balizas do alumeado público do paseo marítimo.

Nota de prensa concello da Laracha 

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
460SuscriptoresSuscribirte

Últimos artigos