14.2 C
Santa Comba
sábado, febrero 4, 2023

Carlos Turnes:”Nós o que queremos é traballar por Santa Comba e darlle voz á xente nos plenos”

O portavoz municipal do PSOE en Santa Comba foi entrevistado no programa “Na Encrucillada” de Radio Xallas, desde onde valorou a xestión do actual goberno:“A acción do goberno local vén sendo a mesma que a dous últimos trinta anos. Non se nota unha melloría nin un cambio de rumbo”.

Facilitar a inclusión das persoas

Carlos Turnes considera que o goberno presidido por María Pose debería atender ás cuestións básicas:“Polo menos que arranxen o que temos, que se deixen de obras faraónicas. Que amañen as aceiras. E que traballen para facilitar a inclusión da xente. Unha persoa con mobilidade reducida, saíndo da Alfonso Molina ten moitos problemas”.

Nesta liña engadiu:“Non vale de nada gastar nunha poxa de xovencas se os que estamos aquí día a día non temos onde traballar. Se non hai un camiño por onde pasar de pouco me vale a subasta, que está moi ben pero o que importa é o día a día”

E tamén referiuse ao goberno anterior que lles deixou unha sensación “agridoce” xa que o PSOE foi partícipe:”Empezamos con moítisima ilusión para romper a rutina e darlle un cambio a Santa Comba”. Pero a experiencia non foi boa.

“Imos chegar reforzados ás eleccións municipais”

Turnes Romero criticou a dinámica das sesións plenarias:“A prioridade debería ser Santa Comba non traer mocións instándolle a Pedro Sánchez”.E emprazou ao goberno a responder:“Fas preguntas e cando deberían responder desde o equipo de goberno, contestan outras xentes”.

Sobre a situación do PSOE despois do acontecido coa moción de censura, o portavoz municipal afirmou:“Estamos en reconstrución. O que pasou foi un pau enorme. Pero temos bastante ilusión e os froitos veranse”.

A idea agora é “recuperar xente de antes e sumar outra nova” e as previsións son óptimas:”Estamos traballando.Imos chegar reforzados e cun bo equipo ás eleccións e con persoas que queiran traballar”.

Desde Radio Xallas animou á veciñanza a trasladar as súas inquedanzas ao grupo municipal socialista:Nós o que queremos é traballar por Santa Comba e darlle a voz á xente nos plenos. A función do PSOE é axudar á xente no que se poida”.

Escoita a entrevista a Carlos Turnes desde o minuto 31

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
1,030SuscriptoresSuscribirte

Últimos artigos