O Concello de Vimianzo organizará mañá, venres 1 de abril, unha gala solidaria en favor do pobo ucraíno. Será na Casa da Cultura e dará comezo ás 21:00 horas.
Para isto puxéronse a disposición da veciñanza entradas na billeteira do Auditorio, en horario de 10:00 a 14:00 horas polas mañás; e de 16:00 a 20:00 horas polas tardes, con prezo 5 euros, e tamén a través de www.woutick.es, co mesmo prezo ou coa opción de «Fila 0». A cantidade recadada destinarase á Coordinadora Española de Organizacións para o Desenvolvemento.
Daranse cita a Escola Municipal de Música Tradicional e Moderna, o Coro Municipal, Irma Macías e Xaquín Rama, Jaime Lema, Suso Andrea, o dúo José e Pepe, a banda de gaitas da AC Trubisquiña, a banda de gaitas O Revoltixo de Carantoña, a charanga Pasarela Big Band, os Bastardos de Rivera, Suso de Quinito, Oppium e Teima.
