Faia Díaz e Guillerme Fernández chegaron este xoves cos seus “Arrolos de Salitre” ao C.E.I.P. Barrié de la Maza, un centro que precisamente está inmerso, nun fermoso proxecto chamado “Arrólame paseniño, arrólame un poquiño”.
Os dous compoñentes do grupo D´Vacas ofreceron unha selección de cantos tradicionais nunha actividade na que participou persoal docente (incluindo profesores en prácticas), non docente e familias.
Tamén se entregaron ós artistas unhas bolsas conmemorativas deste proxecto cun chaveiro e dous marcapáxinas deseñados polos promotores da iniciativa.
Foi un obradoiro participativo. Todas as persoas que asistiron cantaron os seus arrolos e cantos de berce a tamén aprenderon outros novos.
