Sen dúbida unha excelente noticia para Vimianzo e para toda a comarca.O Asalto ó Castelo de Vimianzo vén de conseguir a catalogación de Festa de Interese Turístico Galego, logo de contar co informe favorable por parte do Consello da Xunta de Galicia. Así o informaron desde o concello de Vimianzo. Unha declaración que se concreta no 25 aniversario deste evento
Mónica Rodríguez:»Moitos son os colectivos implicados»
“Moitos son os colectivos implicados en que hoxe, xoves 17 de marzo, isto sexa posible”, anota a alcaldesa, Mónica Rodríguez, “a destacar Cherinkas e Axvalso, a veciñanza, o equipo humano dos departamentos de Turismo e Cultura do Concello de Vimianzo e tamén á hostelería local, moi implicada no noso Asalto cos pinchos irmandiños”.
A solicitude formalizouse en xullo de 2019. E agora a aspiración convértese nunha realidade.A partir de agora, poderá acceder a axudas para impulsar a súa promoción e contribuir a reforzar a autenticidade de Galicia como destino.
Como lembran desde o concello “O Asalto ao Castelo de Vimianzo é unha singular festa que se celebra o primeiro sábado de xullo desde hai máis de dúas décadas. Unha celebración que nacía no seo dunha asociación de amigos e que pouco a pouco involucrou a toda unha vila e comarca”.
O Asalto inspírase na Gran Guerra Irmandiña que comezou en 1467 en toda Galicia, momento no que o pobo se ergueu contra o poder abusivo dos señores feudais.
