As brigadas deseucaliptizadoras chegan a Grixoa de Esternande, despois de que a comunidade de montes veciñais desta parroquia de Santa Comba, decidira sumarse á actividade promovida polo colectivo ecoloxista Verdegaia.
A iniciativa terá lugar este sábado 19 de marzo desde primeiras horas da mañá coa plantación de medio milleiro de carballos. Está é a primeira actuación na comarca xalleira.
Haberá un “xantar comunitario” para os “brigadistas” participantes e a xornada estará amenizada por un espectáculo de monicreques “e algunha que outra sorpresa máis”.
Segundo indican desde Verdegaia “as Brigadas deseucaliptizadoras teñen como obxectivo mobilizar, organizar e coordenar persoas de todo o País con vontade de botarse ao monte para realizar accións de voluntariado ambiental en colaboración coas titulares de terreos con valores ambientais degradados ou ameazados pola eucaliptización e outras especies exóticas invasoras”.
