A asociación de empresarios de Santa Comba iniciou unha campaña de recollida de comida e produtos sanitarios e outros materiais, para enviar a Ucraína.
O prazo para recoller as doazóns estará aberto ata o 13 de marzo nos seguintes locais: Oficina da asociación de Empresarios de Santa Comba (de luns a venres de 9 a 15h), Hotel Xallas, Quercus, ElectroXallas, Talleres Arán, Rural Center, Talladas, A Nosa Vila(A Pereira), Infozone, El Juguetón(Negreira).
Unha vez pasado o prazo, a directiva da Asociación de empresarios de Santa Comba entregará tódolos produtos doados a Protección Civil de Santiago de Compostela.
Adiante Galicia quere colaborar na difusión desta iniciativa. Este é o cartel que nos remiten desde a asociación xalleira.
