O PSdeG-PSOE de Vimianzo celebrou esta tarde unha Asemblea extraordinaria para renovar a executiva local. Este acto sirve como «pistoletazo de saída á etapa preelectoral, para a que tan só quedan quince meses», apunta Paula Mouzo, Secretaria Xeral, que repite no cargo.
Nesta ocasión o PSOE volverá a cita electoral de 2023 como partido de goberno:”Dende o concello seguimos a traballar para que os veciños e veciñas vexan que esa confianza está ben depositada, seguimos a traballar polo ben da veciñanza das nosas catorce parroquias», apuntou Mónica Rodríguez, alcaldesa e recentemente elixida Vicesecretaria Xeral da Agrupación.
Ademais da alcaldesa, tamén se suman ao proxecto o tenente de alcaldesa, Víctor Muíño, e a Concelleira de Cultura, Rosa Blanco.Como aposta xuvenil, incorporase a Politóloga, Sheila Rial, nova integrante da Agrupación, que ocupará a Secretaría de Participación, Mocidade e Comunicación.
Así, a Comisión Executiva Municipal de Vimianzo queda configurada da seguinte maneira:
1. PRESIDENTE: JOSÉ VÁZQUEZ PÉREZ.
2. SECRETARIA XERAL: PAULA MOUZO MACEIRAS.
3. VICESECRETARIA XERAL: MÓNICA RODRÍGUEZ ORDOÑEZ.
4. SECRETARIO DE ORGANIZACIÓN E ADMINISTRACIÓN: JAIME VIDAL VIDAL.
5. SECRETARIO ADXUNTO Á ORGANIZACIÓN: VÍCTOR MANUEL MUIÑO RAMOS.
6. SECRETARIA DE IGUALDADE E MOVILIZACIÓN: MARÍA MAGDALENA RIAL SOUTO.
7. SECRETARIO DE POLÍTICA MUNICIPAL: JOSÉ ANTONIO MIÑONES RIVEIRO.
8. SECRETARIA DE PARTICIPACIÓN, MOCIDADE E COMUNICACIÓN: SHEILA RIAL MATA.
9. SECRETARIO DE EMIGRACIÓN E MEMORIA DEMOCRÁTICA: MANUEL DE LA FUENTE VAZQUEZ.
10. SECRETARIA DE CULTURA, TURISMO E ASOCIACIONISMO: ROSA BLANCO LEMA.
