13.8 C
Santa Comba
sábado, julio 2, 2022

O goberno local de Muxía ofrece á oposición a posibilidade de que presente un POS alternativo

Despois de que a proposta do goberno local fora rexeitada no pleno deste mércores, o executivo socialista trasladou a posibilidade de que os concelleiros do PP e os non adscritos presenten o seu Plan alternativo. Este é o comunicado de prensa remitido desde o goberno muxián. 

O goberno local antepón os intereses da veciñanza ante o bloqueo dos tránsfugas e do Partido Popular de Muxía

Un día despois de que os dous tránsfugas e tres concelleiros do Partido Popular de Muxía bloquearan e tiraran por baixo o POS 2022, incluídas as súas propias propostas, o goberno local non se resigna a que a veciñanza de Muxía perda máis de 550.000 euros fundamentais para mellorar as zonas rurais do municipio e a calidade de vida da veciñanza da vila da Barca.

O Concello de Muxía, a través de alcaldía, enviou un documento oficial aos implicados neste bloqueo para que poidan presentar un POS alternativo, antes das 23:59 horas de hoxe, que será aprobado polo grupo de goberno sen poñer trabas nin condicións algunha.

Desde o grupo de goberno se considera que calquera obra ou intervención para Muxía é positiva e por iso antepón os intereses da veciñanza a calquera outros, aínda que a oposición, coa súa actitude, parece non ter en conta os intereses veciñais.

Unha vez se presente ese POS alternativo e sexa aprobado polo grupo de goberno, desde alcaldía encargarase de coordinar xunto coa Deputación da Coruña todos os trámites necesarios para ampliar o prazo de presentación da documentación, que terá que ser enviada antes das 15:00 horas de mañá.

O equipo de goberno, a pesar da súa indignación por esta situación de bloqueo continuo, pon este Plan Único nas mans da oposición xa que considera máis importante a mellora das infraestruturas e a calidade de vida dos veciños e veciñas que outros intereses políticos ou persoais.

Ante a falta, unha vez máis, de propostas por parte de oposición equipo de goberno antepón os intereses da veciñanza para salvar uns cartos moi necesarios para o futuro do Concello de Muxía. 

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
460SuscriptoresSuscribirte

Últimos artigos