“Neste POS incluímos todas as demandas e peticións por parte dos grupos da oposición, cumprindo o requisito que se puxo desde a mesma oposición, para que poida saír adiante este plan de obras tan necesario e importante para a nosa vila” afirma o alcalde de Muxía, Iago Toba, antes do pleno deste mércores.
O mandatario anunciou que o Plan de Obras contará co apoio do BNG.En relación á proposta do goberno destina máis de 80.000 euros a gasto social e unha partida de 61.336 euros a gasto corrente. No apartado de investimentos destínase uns 190.939 euros para mellorar o lugar de Sorna. Tamén hai actuacións previstas en Figueroa(45.000 euros), Martineto(48.000 euros), Frixe (107.000 euros), Buiturón (39.000 euros), ou Bardullas(59.000 euros).
O equipo de goberno proporá tamén o acondicionamento viario en varios puntos da localidade co cargo ao complementario deste POS+2022 de Deputación da Coruña que suma un total de 339.812 euros.Deste xeito, proponse o acondicionamento e mellora viaria en Armear – Os Muiños; en Os Pasantes – Fumiñeo; en Quintáns – Praia do Lago; en Suxo – Pardiñas; en Vilardouteiro-Castro; en Coucieiro – Trasufre; en Viilarbello- acesoo a Morquintián, así como a futura inclusión da depuradora de Quintáns.
Tras o sesión informativa, o alcalde Iago Toba, destacou que “este POS é vital para o futuro de moitas das obras e melloras que necesita Muxía, sobre todo no noso rural. Desde este goberno seguiremos traballando en positivo e coa vista sempre na mellora da calidade de vida da nosa veciñanza”.
