15.4 C
Santa Comba
jueves, junio 30, 2022

Convenio para mellorar a contorna do campo da feira de Paiosaco

A Xunta e o Concello da Laracha ratificaron esta semana o seu compromiso para cooperar na materialización das melloras da contorna do campo da feira de Paiosaco.

A conselleira de Medio Ambiente, Territorio e Vivenda, Ángeles Vázquez, e o rexedor, José Manuel López, asinaron o convenio de colaboración, que recolle un orzamento de máis de 130.000 euros para a execución desta actuación, que -tras a sinatura do convenio- se licitarán en breve.

Nese sentido, a conselleira trasladoulle ao alcalde que xa deu instrucións á Dirección Xeral de Ordenación do Territorio e Urbanismo para iniciar os trámites e poder publicar a licitación desta actuación este mesmo mes.

Os traballos permitirán crear uns espazos urbanos máis amables para os peóns, dotándoos dunha maior comodidade e seguridade, grazas á ampliación de beirarrúas, incluso creando un tramo novo nas proximidades do campo da feira.

Cómpre recordar que esta iniciativa está incluída no Plan Hurbe, posto en marcha polo Goberno galego, hai máis dunha década, para axudar aos concellos na materialización de proxectos urbanísticos do seu interese.

A conselleira destacou que, ao longo do actual exercicio, mobilizará unha partida de 7 millóns de euros para apoiar proxectos e iniciativas, como a impulsada pola Laracha.

Así, a Xunta asume o 70% da actuación -neste caso concreto, son 92.105 euros-, mentres que a porcentaxe restante é achegada polas entidades locais –case 40.000 euros serán aportados por A Laracha-. Non obstante, ambas administracións comparten o obxectivo de crear, mellorar e humanizar as infraestruturas de uso público e colectivo, para mellorar os servizos e equipamentos ao servizo dos cidadáns.

Fonte-Consellería de Medio Ambiente

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
459SuscriptoresSuscribirte

Últimos artigos