11.7 C
Santa Comba
viernes, febrero 3, 2023

O concello de Mazaricos confía que os proxectos eólicos A Picota I e II non sexan tramitados

O concello de Mazaricos acolleu unha xuntanza para informar sobre proxectos eólicos A Picota I e A Picota II, os cales o alcalde Juan Blanco confía, que sexan rexeitados:Moi probablemente a Xunta denegue a autorización administrativa” apuntou.

Juan Blanco denunciou que os proxectos de parques eólicos A Picota I e II constitúen, orixinalmente, un mesmo parque, ao compartir liñas de evacuación e outras infraestruturas. O rexedor lembrou a práctica común por parte de moitos promotores eléctricos de fraccionar os parques por debaixo dos 50 megawatios para sortear a normativa estatal e os estudos de impacto ambiental e sinalou que a sentenza 254/2020 do Tribunal Superior de Xustiza de Galicia, en relación co parque eólico das Sasdónigas (Mondoñedo) pecha a porta a esta posibilidade e senta xurisprudencia sobre o carácter irregular destas divisións. 

En relación co proxecto do  Parque Eólico A Picota I, Juan Blanco reiterou que varios dos muíños previstos están situados fóra das áreas contempladas pola Xunta na ordenación do territorio, mesmo incumprindo a normativa española e galega sobre incendios que non permite o cambio de usos de terreos ardidos. Igualmente, varios muíños atópanse nas proximidades de explotacións gandeiras e de vivendas, así como do Camiño de Santiago. Salientou do mesmo modo o incumprimento de varios dos viraventos do previsto na normativa aeronáutica e o feito de que os informes dos promotores contemplen un importante impacto patrimonial. 

“Nós queremos deixar moi claro que non estamos en contra da enerxía eólica, pero estamos a favor de que se cumpra a lei”, explicou o rexedor. Juan Blanco amosouse confiado en que Xunta non autorizará os proxectos da Picota e sinalou que en caso contrario o Concello optará pola vía contencioso-administrativa.  

Blanco tamén puxo de manifesto as similitudes do caso da Picota co do Parque Eólico das Sasdónigas pola afectacción sobre o Camiño de Santiago e o fraccionamento fraudulento, fundamentais na anulación do proxecto mindoniense. “É moi indicativo que no caso da Picota se tramiten ambos proxectos cun mes de diferenza e sobre a mesma liña”, salientou. 

“Este parque non ten cabida pola afectacción directa sobre o territorio que vai ter”, resumiu o alcalde. “Non estamos contra os eólicos e queremos que as instalacións enerxéticas redunden no benestar dos veciños das áreas onde se instalen, e por iso imos pelexar porque se cumpra a lei”, manifestou.

A continuación, o alcalde respondeu ás preguntas da veciñanza. Os asistentes amosáronse preocupados pola posible actuación da Xunta, ante o cal o alcalde reiterou que calquera autorización do Goberno galego destes proxectos incumprirá a normativa vixente e obrigaría ao Concello á vía contencioso-administrativa. Mazaricos recolleu durante o mes de decembro preto de 200 alegacións contra os proxectos de Parque Eólico a Picota I e II.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
968SuscriptoresSuscribirte

Últimos artigos