13.6 C
Santa Comba
viernes, febrero 3, 2023

Aprazan a Festa de fin de ano de Cee e o Programa de Nadal da Laracha

A pandemia segue provocando aprazamentos e suspensións de activiades. Difundimos (íntegras) notas dos concellos de Cee e da Laracha.

Aprazada a actuación da Festa de Fin de Ano en Cee (NOTA DE PRENSA)

Despois da reunión tida na alcaldía do Concello de Cee para analizar a situación actual da pandemia de cara a avaliar os actos previstos para a noite de fin de ano, acordouse o aprazamento da actuación. O Concello de Cee, dado o aumento de número de casos que está a sufrir, considera que non se dan neste momento as garantías de seguridade sanitaria para poder levar a cabo a actuación de Fin de Ano na Praza 8 de marzo. 

O Concello de Cee quere recoñer publicamente a boa predisposición e comprensión de Manuel Ricardo Muñoz, xerente da Discoteca Móvil CDC, contando con toda a documentación para poder realizar a súa actividade.Conscientes da desilusión que esta nova supón especialmente para os máis mozos, e tamén para todas as persoas que lles gusta bailar, o Concello de Cee está a traballar xa para a realización de varias actuacións musicais a realizar en diferentes fins de semana, unha vez que superemos a situación actual e se poidan celebrar estes eventos sen restriccións. Nos mesmos, terá cabida a Disco Móvil CDC, con sesións musicais variadas para todos os públicos.

E desde o Concello da Laracha informan que “Trala comunicación por parte do Sergas de 188 casos de infección activa no termo municipal da Laracha a día de hoxe, o Concello decidiu suspender as actividades previstas en espazos pechados no Programa de Nadal”.

Tamén indican que A realización da cabalgata dos Reis Magos dependerá das medidas que acorden as autoridades sanitarias competentes.
En principio, mantense a proxección do filme «Joker» en formato autocine o 8 de xaneiro.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
974SuscriptoresSuscribirte

Últimos artigos