15.4 C
Santa Comba
jueves, junio 30, 2022

Novo parque infantil na praza O Recreo do concello da Laracha

Os xogos adáptanse para o uso dos diferentes grupos de idade.

Continuando co plan municipal de ampliación, mellora e renovación de parques infantís, o Concello ten en marcha actualmente os traballos de creación dunha nova infraestrutura destas características no interior da praza O Recreo da Laracha.

Este novo parque infantil contará con catro unidades de xogos -en concreto columpios, balancíns e xogos en torres con tobogán- pensados para o uso dos nenos máis cativos, dando continuidade e complementando o outro espazo xa existente desde hai anos no que hai dispoñibles xogos cooperativos doutras características. Deste xeito os elementos dispoñibles estarán adaptados aos diferentes grupos de idade dos seus usuarios. A nova zona tamén contará cun pavimento continuo de caucho para reforzar a seguridade dos nenos.

O Concello leva a cabo esta intervención para optimizar os espazos existentes na praza O Recreo, que está situada nun punto estratéxico da vila da Laracha, a carón da biblioteca municipal, Casa da Cultura e IES Agra de Leborís, ademais de ser una zona residencial que conta con varios locais comerciais e de hostalería nas súas inmediacións.

Este proxecto é financiado integramente polo Concello da Laracha con fondos propios municipais.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
459SuscriptoresSuscribirte

Últimos artigos