Santa Comba acolleu este martes unha nova parada do programa “Camiño da Innovación”, que contou coa presenza do trailer informativo promovido pola Axencia Galega de Innovación da Xunta de Galicia.
Na Casa da Cultura houbo un encontro no que participou a directora da Axencia Galega de Innovación(Gain), Patricia Argerey así como representantes das empresas Elmega, Triple Alpha Innovación, Caolines de Vimianzo e Do Artesanato CAC que contaron os seus “casos de éxito” como emprendedores.
“Queremos compartir con vós os obxectivos de ter máis empresas innovadoras en Galicia” manifestou Argerey, que aproveitou para destacar “a acollida magnífica” a esta iniciativa e “a sensibilidade de que é un obxectivo compartido”.Unha iniciativa enmarcada dentro do “Programa de impulso da innovación nas pemes e microempresas”.
Tamén asistiron ao encontro a alcaldesa de Santa Comba, María Pose, e o concelleiroEducación, Formación, Xuventude e Medios Tecnolóxicos Manuel Iglesias Mouro, e un grupo de empresarios da zona.
