14.5 C
Santa Comba
jueves, julio 7, 2022

O delegado do Goberno, José Miñones, comproba as actuacións de renovación do alumeado exterior en Vimianzo

O Delegado do Goberno, José Miñones, e a Subdelegada do Goberno en Galicia, María Rivas, visitaron hoxe Vimianzo para comprobar o inicio das obras de substitución do alumeado exterior, un proxecto que ascende a 2,3 millóns de euros, grazas á subvención acadada co Instituto para a Diversificación e Aforro de Enerxía (IDAE). 

A entidade aportará o 80% do orzamento e o Concello o restante 20%, un total de 472.473,70 euros, para conseguir aforrar máis do 50 % na facturación deste servizo, implementando así a tecnoloxía LED en todas as luminarias. 

As novas instalacións serán máis eficientes e conseguirase, con isto, un menor impacto ambiental. Cabe destacar que estas luminarias empregan o 95% da enerxía da luz e tan só se desperdicia un 5% en calor, facéndoas máis duradeiras. 

A alcaldesa, Mónica Rodríguez, sinala que con este “ambicioso proxecto queremos mellorar non só a facturación, tamén a imaxe e a seguridade viaria en todas as vías do noso municipio”.

Pola súa banda, o Delegado quixo destacar que “estamos hoxe en Vimianzo para transmitir a información das iniciativas e programas que a través do Programa de Recuperación se multiplican e é necesario que coñezades, para concellos de reto demográfico”, e agarda que se poidan aproveitar estas oportunidades “para incrementar o desenvolvemento do rural, algo no que cremos o cen por cen”, destacou. 

Renovación de máis de 4.000 puntos de luz

Logo das máis de 300 bombillas que xa se instalaron no núcleo urbano de Vimianzo, este proxecto implicará a renovación de máis de 4.000 puntos de luz nos 133 lugares do municipio. Realizarase unha intervención por fases ata completar os espazos nos que exista alumeado público. 

Fonte- Concello de Vimianzo

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
462SuscriptoresSuscribirte

Últimos artigos