A Policía Local da Laracha abriu unha investigación e solicita a colaboración cidadá para tratar de dar cos responsables do roubo duns trinta metros do valado perimetral da área de recreo canino producido durante a pasada noite. Os feitos tamén foron denunciados no posto da Garda Civil da Laracha.
O Concello valora nuns 1.500 euros os danos provocados nesta infraestrutura pública que desde a súa recente apertura está a rexistrar altas cifras de usuarios.
Precisamente para evitar o seu peche temporal, o Concello, como medida provisional e de urxencia, instalou un valado de obra que permite o uso do equipamento con plena garantía de seguridade.
O Concello da Laracha lamenta profundamente este acto, tanto por perturbar a tranquilidade dos veciños do municipio como polo gasto que suporá a reparación para as arcas municipais, que non deixan de ser fondos públicos que non poderán destinarse a financiar outras obras ou servizos de interese xeral para a cidadanía.
Nota concello da Laracha
.jpg)