16.4 C
Santa Comba
miércoles, junio 29, 2022

Paso adiante para evitar o deterioro do templo de Santa Baia de Chacín

O Concello de Mazaricos anunciou hoxe a adxudicación de dous dos proxectos ligados ao forte investimento en obras públicas que permite o remanente municipal, superior ao millón e medio (1,5) de euros. O primeiro destes proxectos comprende unha serie de obras en vías municipais de todo o concello, distribuídas pola  totalidade das doce parroquias que conforman Mazaricos. O segundo, as obras de limpeza e consolidación do templo de Santa Baia (Chacín). 

O investimento destinado ás obras en vías municipais, que comprenderán tanto reparación de pistas como acceso a núcleos poboacionais, será de aproximadamente 600.000 euros. Os traballos foron encargados a dúas empresas locais e darán comezo de forma inmediata, estendéndose durante os meses de novembro e decembro.

O alcalde, Juan Blanco, salienta que estas obras supoñen “un investimento moi necesario” e o feito de que vaian levarse a cabo no conxunto do municipio, incidindo “en todas as parroquias”. O rexedor lembra que este “esforzo en investimento” é necesario ante o grande volume de maquinaria agrícola e gandeira que usa estas vías. “Trátase de diminuir o impacto desta actividade económica e á vez permitir que se poida seguir desenvolvendo con normalidade”, explicou.

Un templo do século XVI

A intervención de limpeza da maleza para a consolidación das ruínas de Santa Baia tentará evitar o deterioro e pór en valor dende o punto de vista patrimonial e turístico este templo construído entre o século XVI e o XVIII. A igrexa de Santa Baia acolleu culto relixioso ata case o último cuarto do século XX, pero na actualidade atópase abandonada. O obxectivo do Concello é acondicionar a contorna para que sexa visitable por turistas e veciños, especialmente por atoparse alí soterrados familias e seres queridos da veciñanza do municipio. 

Fonte- Concello de Mazaricos

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
459SuscriptoresSuscribirte

Últimos artigos