15.2 C
Santa Comba
domingo, julio 3, 2022

Alberto Romar confirma a continuidade de “Santa Comba en cores” e que o centro comercial on line estará operativo neste 2021

O presidente da asociación de empresarios de Santa Comba, Alberto Romar, destacou o “incremento de socios” que está rexistrando a asociación pasando de 140 a 208 cun aumento “dun 35% na economía da asociación”. No ocultou a súa sorpresa pola iniciativa de distintos comercios:”Cesamos un pouco na búsqueda de socios e  a sorpresa é que a xente segue chamando para darse de alta”.

Entrevista a Alberto Romar – Desde o minuto 9

Centro comercial on-line antes de que remate o ano

Nunha entrevista en Radio Xallas, tamén anunciou que “antes de que remate o ano” estará operativo o centro comercial on-line cunha axuda económica do GDR Terras de Compostela que sufraga o 82% dun proxecto que ascende a uns 14.000 euros.

“Queremos que a xente perda o medo a vender por internet e que teña un punto de encontro e que poida comprar directamente desde este centro, que tamén servirá de escaparate” explicou Romar.

O centro comercial on-line xalleiro terá un buscador con comparativas de prezos e será un servizo gratuito e dirixido a socios.

“Santa Comba en cores” terá continuidade

Tamén fixo un balance moi positivo da iniciativa “Santa Comba en cores”, que consistiu no pintado de cinco muros da capital municipal:”Queremos seguir con temáticas máis abstractas e ter participación nas parroquias. Non pintar só muros, tamén fachadas” anunciou.

Explicou que a idea xurdiu de varias peticións que fixeron en relación co casco urbano:”Penso que o núcleo de Santa Comba está bastante abandonado”.

Numeración de rúas, Polígono e estrada de Santiago

Outro asunto ao que se referiu foi “o problema que temos coa numeración e coa nomenclatura das rúas” que segundo Romar “está causando problemáticas coas certificacións, paquetería e incluso coas ambulancias. E a mala imaxe  que se dá de Santa Comba”.

Sobre reivindicacións dixo que seguían atentos a estrada de Santiago e a ampliación do Polígono Industrial:“Non vemos movementos na estrada de Santiago nin no Polígono industrial”.

Feira de Outono 2021

Desde a asociación de empresarios lembran que o 5,6 e 7 de novembro terá lugar a Feira de Outono con setenta expositores de distintos sectores, actuacións musicais, maxia, recuncho infantil, etc..

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
460SuscriptoresSuscribirte

Últimos artigos