O concello da Laracha está desenvolvendo unha nova edición do “Outono de Contos” que arrancou no mes de setembro e continúa neste mes de outubro con varias actividades.
O 3 de outubro Migallas Teatro ofreceu “Os Tres Porquiños” no biblioteca municipal da Laracha. Neste espazo haberá “Contos dos ratos de Lonxedetodo” Trinke Trinke Teatro. Será o 14 de outubro a partir das 18h.
A biblioteca de Paiosaco acolle este martes 5 de outubro a actuación de Sarabela Teatro(18h), que representa “Naturizo e o espirito do bosque”. O 22 de outubro no mesmo lugar e á mesma hora Átomos presenta “Robótica na biblioteca”.
O 7 de outubro o recén inaugurado Centro Sociocomunitario de Caión acolle a “Feira das linguas” a cargo de Lydia Botana(18h).
Outro de punto de actividade deste Outono de Contos é o Museo dos Muíños de Golmar. O sábado 16 de outubro(17h) chegan os “Contos do mundo” de Solidariedade Internacional de Galicia.
