17.8 C
Santa Comba
lunes, julio 4, 2022

O PP propón a creación dun Centro Integral de Saúde comarcal en Carballo

O grupo municipal do Partido Popular de Carballo, a través do seu deputado autonómico, Rubén Lorenzo, levará ao próximo pleno local unha moción pola cal os populares instan o executivo local a que solicite á Xunta de Galicia a posta en marcha da remodelación integral e a ampliación do actual centro de saúde do municipio para convertelo nun Centro Integral de Saúde que dea servizo a toda a comarca de Bergantiños.

Desde o grupo do Partido Popular de Carballo consideran que a comarca de Bergantiños cumpre cos requisitos para contar tamén cun Centro Integral de Saúde igual que o que se está a construir en Lalín para dar servicio á comarca do Deza, pois trátase dunha zona con máis de 60.000 habitantes e cuxa capital está a unha distancia de arredor de media hora en coche do hospital de referencia o Complexo Hospitalario Universitario da Coruña (CHUAC).

Na actualidade, como capital da comarca de Bergantiños, o concello de Carballo conta cunha atención primaria na que están incorporadas todas as actividades da carteira de servizos co que conta este nivel asistencial, tanto en atención primaria como en servizos de atención especializada (cirurxía xeral e dixestiva, xinecoloxía, oftalmoloxía, radiodiagnóstico, reumatoloxía, traumatoloxía e unidade de saúde mental), así como cun Punto de Atención Continuada.

“O actual inmoble ocupado polo centro de saúde de Carballo atópase en boas condicións, polo que consideramos que a creación dun centro integral de saúde nesta vila para toda a comarca de Bergantiños, non requiría a construción dun novo edificio”, dixo Lorenzo, quen incidiu en que apostar por efectuar unha reforma integral e ampliación do existente permitiría “potenciar a súa capacidade resolutiva e dar cabida á incorporación dun maior número de servizos e pacientes”.

Compromiso autonómico

Nesta línea, o popular subliñou que a mellora constante dos servizos sanitarios para prestar unha atención de calidade é un dos principios fundamentais do Servizo Galego de Saúde. “En Galicia xa se están a construír novas infraestruturas sanitarias mais amplas e humanizadas”, explicou Lorenzo, quen apuntou que Carballo non pode quedar fora do novo escenario de transformación e consolidación dun novo modelo de atención primaria máis proactivo e con maior vocación comunitaria.

Por outra banda, os populares tamén aproveitaron para presentar outra moción na que reclaman ao Goberno Central a facilitar unha mellor cobertura do persoal médico na atención primaria a través, dixo Lorenzo, entre outras cousas, dunha convocatoria extraordinaria de prazas MIR que permita incorporar mais profesionais

Nota de prensa- PP DE CARBALLO

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
462SuscriptoresSuscribirte

Últimos artigos