O deputado Néstor Rego presentará este xoves unha proposición non de lei na que se insta ao Goberno Central a regular o sector bancario.
Estará acompañado polo alcalde de Zas, Manuel Muíño Espasandín, un dos concellos onde Abanca pechou unha oficina. Como tamén é o caso de Baíñas-Vimianzo ou A Baña.
Dende o BNG consideran que o peche das oficinas bancarias é un grave problema que está a sufrir todo o país e que se acentúa especialmente no rural.
“Seguimos na idea de que imos esgotar todas as posibilidades para lograr que a entidade reconsidere esta decisión polo que as accións non remataron o día 8 co peche das sucursais”, sinalou o alcalde de Zas.
