A Capital de Galicia acolleu o encontro interinstitucional “para aunar esforzos e mostrar o compromiso das Administracións públicas na colaboración para a promoción e o impulso do Camiño de Fisterra e Muxía no Xacobeo 2021-2022”.
Na xuntanza participaron Gumersindo Guinarte, concelleiro de Presidencia, Relacións Institucionais e Turismo do Concello de Santiago; o vicepresidente da Deputación da Coruña, Xosé Regueira; a directora de Turismo de Galicia, Nava Castro; o presidente da Asociación de Concellos do Camiño de Fisterra e Muxía, José Manuel Pequeño, e a presidenta da CMAT, Mónica Rodríguez e o vogal José Marcote, así coma o equipo da Secretaría Técnica da CMAT composto por Marta Rodríguez e Manuel Carneiro e do gabinete de comunicación, Irene González.
«O encontro serviu para fomentar e intensificar a relación e os lazos de colaboración entre a CMAT, entidade que xestiona a promoción do xeodestino Costa da Morte, e as entidades involucradas na promoción turística no eido local, provincial e autonómico» sinalou a presidenta da CMAT, Mónica Rodríguez.
No mesmo lugar tamén se presentou a campaña “O Camiño Continúa”. Despois do encontro desenvolvido no Pazo de Raxoi, os representantes institucionais acompañaron ata a Praza do Obradoiro aos cinco bloggers que xa percorren a prolongación xacobeapara difundir a mesma.Son Bo Saldaña, de El mundo ok; Leticia Pérez, de Trucos viajeros; Eva Abal, de Una idea un viaje; Dani Keral, de Un viaje creativo; e Alberto Ribas, de Al vientooo
