15.4 C
Santa Comba
jueves, junio 30, 2022

Romaría da Virxe da Barca 2021: transición cara unha nova normalidade

Muxía presenta o programa da Romaría da Virxe da Barca nun ano que, se pretende, sexa de transición cara a unha nova normalidade
 
A comisión da Virxe da Barca e o goberno local mantiveron diversas reunións para analizar a situación e adecuar a celebración ao contexto actual. 

O Salón de Plenos foi esta mañá o escenario onde o alcalde, Iago Toba, e os integrantes e as integrantes da Comisión da Romaría da Virxe da Barca presentaron a programación de este ano, un evento que, se pretende, sirva como “transición” de cara a unha nova normalidade na vindeira edición de 2022. Celebrarase do 10 ao 13 de setembro de 2021. 

Semanas atrás, os encontros entre a organización e o goberno local foron diversos, sempre para conxuntar forzas e analizar a situación para poder adecuar a celebración ao contexto sanitario vixente. 

Así, decantáronse por actos simbólicos como as actuacións dos grupos locais Xaramiños do Corpiño e Abadeleiras, ou tamén as míticas actuacións dos Kilombeiros de Monte Alto e a Charanga NBA, sempre moi vinculadas con esta festividade. 

Todos os actos serán diurnos, sendo a excepción a sesión de fogos de artificio do sábado. Farase entre outros motivos, para evitar a formación de festas paralelas e, no caso de ocorrer, o goberno local reforzará con dotacións de Policía Local e Garda Civil para velar polo cumplimento das medidas sanitarias con garantías. No relativo aos actos relixiosos, haberá misas como de costume tanto na novena como os catro días principais. 

Tanto a Comisión da Barca como o goberno local “agardan un comportamento exemplar, unha edición máis, tanto de veciñas e veciños como de visitantes, e rogan que se cumplan todas as medidas preventivas pola COVID-19 para que o desenvolvemento desta Romaría sexa óptimo”, aclaran. 

Nota de prensa do concello de Muxía

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
459SuscriptoresSuscribirte

Últimos artigos