O Paseo fluvial de Baio acolle unha exposición ao aire libre sobre a figura de Enrique Labarta Pose, con motivo do 158 aniversario do seu nacemento. Estará operativa ata o 31 de agosto. Consta de seis paneis con fotografías e textos.
Esta iniciativa para divulgar a obra de Labarta tamén serve para seguir reivindicando que o escritor e xornalista nado en Baio conte dun Días das Letras Galegas.“Labarta Pose é o gran candidato da Costa da Morte ás Letras Galegas” manifestou Jorge Mira, físico e representante da “Comisión Labarta Pose”.
Artigo Un poema de Pondal na revista de Labarta Pose
Jorge Mira acompañou na inauguración da mostra, ó Vicepresidente da Deputación, Xosé Regueira, que se sumou á petición:“Oxalá que algún día se faga xustiza e teña por fin o seu día das Letras Galegas”.
O Alcalde de Zas, Manuel Muíño Espasandín “Dende o noso equipo de goberno municipal entendemos que a cultura debe estar ao alcance de todas e todos polo que decidimos ubicar aquí esta mostra para que toda a veciñanza teña acceso a ela”.Está previsto que o Concello de Zas realice nas vindeiras semanas máis actividades relacionadas con Enrique Labarta Pose.
