”Parece que hai unha competición entre o PSOE e o BNG para atribuirse a defensa dos traballadores de XEAL” declarou o deputado carballés en Radio Xallas.
Entrevista a Rubén Lorenzo a partir del minuto 15
O deputado autonómico do Partido Popular, Rubén Lorenzo, explicou que a Xunta mantén a súa opinión con respecto a antiga Ferroatlántica:”Seguimos pensando que a mellor forma de defender os empregos en Dumbria e Cee é seguir vinculando a actividade hidroeléctrica e a de ferroaliaxes”.
Afirmou que o goberno galego “está de lado dos traballadores” e lembrou que “no ano 2017 Ferroatlántica intentou segregar as dúas actividades pero a Xunta de Galicia fixo cumprir ese acordo da concesión”.
Para Lorenzo Gómez “toca ser máis executivo e menos reivindicativo”. Amosouse optimista de cara ao futuro:”Penso que Xeal pode recuperar a actividade e a produción nos cinco fornos”.
Política improvisada do goberno central
O que sí criticou foi a “política enerxética, caótica e improvisada do goberno de Pedro Sánchez”. O atraso no estatuto electrointensivo foi prexudicial e ademais “consideramos que o prezo da enerxia é un factor vital para o desenrolo para estas actividades”. Neste senso dixo que estes prezos supoñían unha desventaxa con respecto ós competidores europeos de Xeal.
E tamén falou da merma de axudas do estado:”No ano 2017 ingresaba no concepto de ininterrumpibilidade 28 millóns de euros e no ano 2002 tan só ingresa 2 millóns”.
