O portavoz do Partido Popular, David Gómez, fixo un balance “pobre” destes dous anos de lexislatura no concello de Zas:” As cousas están un pouco paradas. A pesar da pandemia noutros concellos fixéronse cousas.Temos tres dedicacións que nos costan aos veciños máis de 80.000 euros ao ano e non se está facendo as cousas ben”.
Entrevista a David Gómez a partir do minuto 62
Entre outras cousas, Gómez Brandariz, pensa que “é urxente un plan de mantemento de estradas e camiños. Deixan moito que desexar. Non se fan os desbroces que deberían”.
Sobre os dous proxectos destacados polo alcalde, o Tanatorio e a praza de Baio, asegura que “non foron sen tempo”, agardando que a última actuación vaia agora para adiante. Sobre o Tanatorio demanda un abaratamento das taxas para os veciños.
Lamenta que por parte do goberno do BNG “non hai comunicación coa oposición”.Tamén critican que as axudas pola pandemia “quedáronse cortas e quedou moita xente fora das axudas”. E que desde o PP lembran que pediron outra serie de medidas, como a exención de taxas.
