Unha nova machada prehistórica localizada na parroquia de Castriz, xa forma parte do catálogo de recursos do Museo da Terra do Xallas. A cesión doutra machada atopada en San Salvador e as información difundidas sobre a mesma están provocando estes reaccións tan positivas.
“É unha machada moi similar a de San Salvador” comentou en Radio Xallas o arqueólogo xalleiro Lino Gorgoso que destacou que “esta conciencia está espertando e hai xente que se da conta que pode colaborar no interese público. A xente que coñece o seu patrimonio pode optar por facer estas achegas”. Os expertos da talla de Gorgoso coinciden en dar moito valor as tarefas de divulgación.
Da machada e de patrimonio falaba Lino Gorgoso en Radio Xallas (desde o minuto 34)
Esta machada pulimentada foi atopada na finca “A Xunqueira” no lugar de Padreiro. A peza, datada entre 6.000 e 4.000 anos, presenta evidentes marcas de desgaste, co gume totalmente gastado.
Segundo os propios expertos polo seu tamaño encádrase dentro das machadas de combate e contaría cun mango de madeira, que non se conservou para o seu emprego.
