O pleno extraodinario urxente celebrado este mércores en Ponteceso provocou a indignación dos grupos da oposición, ao ausentarse tanto o alcalde como as dúas concelleiras socialistas. O secretario advertiu que tiña que ser así e que non podían participar na votación. Pero outra cousa é o debate.
«O alcalde abandonou o barco»
Para José Manuel Pose Verdes(APIN)“estaba todo amañado, non quería debate. O que vivimos foi unha situación moi rara, difícil de explicar. Eu diría que alegal” .Versión coa que coincide o non adscrito Faustino Santiago Lema:”Estaba todo amañado para que o alcalde non dera a cara diante dos veciños. Abandonou o barco”.
Desde o Partido Popular chegou a valoración de Daniel García Cotelo:“O acontecido hoxe neste pleno, só se pode cualificar de vergoñento, xa que o alcalde abandonou a sesión para non debater cos concelleiros nin dar explicacións aos veciños. Entendemos que isto, como tantas outras cuestións, estaba preparado” .
Os concelleiros da oposición aprobaron a elección da defensa xurídica.O alcalde de Ponteceso, Lois García Carballido, informara que o grupo socialista presentara un recurso contencioso-administrativo contra varios acordos adoptados pola corporación xa que“aprobáronse cousas con informes contrarios de secretaría e intervención e entendemos que vai en contra da lei”.
«O alcalde denuncia ao concello»
Para a oposición é algo insólito que “o alcalde denuncie ao concello” como sinalaba Pose Verdes: “É unha situación rocambolesca. O alcalde denuncia ao concello e imos a un pleno a falar con ninguén” apuntó Pose Verdes.
García Cotelo manifesta: “Os concelleiros da oposición tivemos hoxe que nomear a defensa do Concello só porque o alcalde non quere que se investigue a suposta presencia de cámaras ocultas na alcaldía tal e como se aprobou por maioría nun pleno. O ilegal é gravar sen permiso conversacións, non tratar de investigar a veracidade duns feitos” .
“É algo vergonzo e bochornoso” engade Faustino Santiago que participaba esta semana no programa Na Encrucillada de Radio Xallas, ó igual que o facía hoxe Lois García Carballido.
