15.4 C
Santa Comba
jueves, junio 30, 2022

Gonzalo Caballero:”O Camiño dos Faros é fundamental para o desenvolvemento económico e para xerar emprego e riqueza”

Gonzalo Caballero volveu a Costa da Morte. Desta volta fixo parada en Vimianzo e rodeado de alcaldes socialistas reivindicou a importancia do Camiño dos Faros: “A Costa da Morte ten moitas posibilidades para o turismo e, neste marco, o Camiño dos Faros é fundamental para o desenvolvemento económico e para xerar emprego e riqueza”.

Demandou o apoio da Xunta de Galicia:“É hora de que a Xunta se poña a carón das alcaldesas e dos alcaldes da Costa da Morte para impulsar o Camiño dos Faros”.

Avanzou que o PSdeG seguirá levando ao Parlamento de Galicia iniciativas para poñer en valor esta ruta e para conseguir que o goberno gaelgo “faga un plantexamento de aposta e potenciación” que o converta en “referencia do turismo galego de calidade para todo o mundo”.Estivo acompañado pola alcaldesa de Vimianzo, Mónica Rodríguez; a de Camariñas, Sandra Ínsua; a de Cee, Margarita Lamela; e o alcalde de Fisterra, José Marcote; entre outros representantes socialistas en Costa da Morte e Bergantiños.

Opinan as alcaldesas de Vimianzo, Camariñas, Cee e o alcalde de Fisterra

A alcaldesa anfitrioa, Mónica Rodríguez, agradeceu a visita de Gonzalo Caballero e sumouse á petición do dirixente socialista para conseguir que “dunha vez a Xunta poña todas as facilidades para que a homologación do Camiño dos Faros sexa unha realidade”.

Pola súa banda, a alcaldesa de Camariñas, Sandra Ínsua, reivindicou o Camiño dos Faros como “vital” e “primordial” para os concellos da zona, xa que “case o 80% das persoas que visitaron Camariñas no mes de maio foi para percorrer o Camiño dos Faros”. “Temos que sentar coa Xunta e buscar unha saída”, destacou.

Na mesma liña, a alcaldesa de Cee, Margarita Lamela, destacou a “importancia” da ruta “para o impulso económico” da contorna, polo que “é necesario buscar, entre todos, unha solución xurídica” que permita homologar este camiño. Así, agradeceu ao líder do PSdeG a presentación de iniciativas no Parlamento “na loita” para conseguir a citada homologación.

Por último, o alcalde de Fisterra, José Marcote, pediu unha “solución” que dea “seguridade xurídica” ao Camiño dos Faros. “Hai que saber conxugar o trazado ideal, que é o que temos agora, cunha posible homologación” cando “hai un pequeno conflito que hai que resolver”, sentenciou.Tanto Caballero coma os demais dirixentes tiveron verbas de lembranza para a falecida Isaura Abelairas.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
459SuscriptoresSuscribirte

Últimos artigos