O alcalde de Mazaricos, Juan Blanco, defendeu os orzamentos aprobados que apostan por “mellorar as condicións de vida da xente que vive no concello e en especial da xente maior e con menos recursos”.
Todo isto dentro do “proxecto de futuro” que propón o goberno local nunhas contas que teñen “unha inversión en gasto social moi elevada” porque así é a demanda, por exemplo da atención a domicilio:”Cada vez hai máis horas e máis necesidades”.
Recalcou ademais o esforzo en materia de abastecemento, saneamento e mellora de camiños. Neste último capítulo “nunca é suficiente porque temos un concello demasiado extenso cunha rede de 1.000 kilómetros”.
Nunha entrevista no programa Na Encrucillada de Radio Xallas tamén falou das actuacións previstas para a conservación e a limpeza da contorna de Santa Baia de Chacín e da situación do sector lácteo.
