O concello de Santa Comba está executando melloras na contorna da fonte “Santa” de Vilamaior, que permitirán a eliminación de barreiras arquitectónicas e o adecentamento da zona.
O alcalde xalleiro, David Barbeira, que realizou unha visita para comprobar a evolución dos traballos, agarda que as obras se rematen antes do 15 de agosto, data de celebración da “Virxe de Vilamaior”.
Forte tradición
Estamos diante dunha festa de moita concorrencia e devoción, que tradicionalmente atrae a milleiros de persoas a esta parroquia xalleira.Desde o concello lembran que esta actuación era unha vella demanda veciñal e que “A fonte da Nosa Señora de Santa María de Vilamaior é unha das cinco fontes santas que ten o Concello de Santa Comba dentro do seu patrimonio artístico e cultural, o que nos indica unha gran tradición dos cultos hídricos no noso Concello”.