11.2 C
Santa Comba
viernes, septiembre 30, 2022

Un texto gótico en galego datado en Santa Comba no 1362

Rafael Lema-

Un dos máis antigos documentos sobre a fegresía de Santa Comba forma parte do legaxo da tenza de Pedro Louzao, unha serie de papeis do século XIV con doazóns, vendas e arrendos dun propietario asentado en Santiago de Compostela, neto de dous veciños das Caselas, Pedro Díaz e Susana Díaz. Todos estes textos están en galego, xa que antes da posta en marcha da Real Audiencia e da maquinaria centralizadora dos Reis Católios era a lingua habitual nas relacións públicas e privadas.

Polo tanto, malia a dourada capa coa que nos presentan o Renacemento e a Idade Moderna ante a mal chamada «escuridade gótica», podemos dicir que en Galicia para nada foi o gótico un tempo a esquecer senón unha época en boa parte de gloria do comercio mariño e a cultura. Cos seus anos de malas colleitas, andazos, guerras, como os que seguirá habendo nos seguintes séculos.

Unha proba da presencia do galego na escrita administrativa é o primeiro documento dos papeis de Pedro Louzao, datado no vilar das Caselas o 22 do nadal de 1362. Trata da doazón de Xoán Ferreiro, morador deste lugar de «Santa Comba de Celtegos do couto do Jallas» e home de María Ferreira, a Pedro Louzao, escribán de Santiago, dunha casa e unhas pezas de gando. Unha casa ao carón da de Afon Gonzalez, «con seus portaes, pousos, cortiña, parede de madeira e serviços e aguas vertentes, e con todas outras suas pertenenças e dereyturas».

Este documento orixinal máis vello relacionado co actual concello de Santa Comba consérvase no Arquivo da Catedral de Santiago (ACS, tenencia de Pedro Louzao, nº 39). O texto foi transcripto por Javier Rey Souto no 1997.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,791SeguidoresSeguir
471SuscriptoresSuscribirte

Últimos artigos