Non fai moito que o blogger xalleiro Rafa Pérez, que dirixe a web Viajando el Mapa, nos falaba das excelencias desta ruta do concello de Zas.Agora a noticia é que a Federación Galega de Montañismo certificou este traxecto como sendeiro de pequeno percorrido coa denominación PR-G 250.
A Ruta da Auga de Zas conta cun percorrido de dez quilómetros que discorren pola parroquia de Gándara e que ofrece moitos atractivos para o camiñante. As fervenzas de Budián, Parga e Rabiñoso, muíños, pontellas, cabazos, mámoas, castros e abellarizas. Sen esquecer a rica flora e a fauna.
É un percorrido circular de dificultades media que comeza e remata na ponte do Sisto. Está sinalizado.Desde o concello de Zas valoraron esta homologación. “A incorporación da Ruta da Auga como PR-G reforza aínda máis a riqueza natural e o patrimonio da zona” declarou o alcalde Manuel Muíño Espasandín.
FOTOS- RAFA PÉREZ
[…] Na localidade recomendounos a visita do Pazo das Torres do Allo (o máis antigo de Galiza), a Rota da auga (con 10 km circulares e accesibilidade para todos os públicos), o casco de Brandomil, antiga vila […]