16.5 C
Santa Comba
domingo, septiembre 25, 2022

Veciños de San Xoán de Grixoa critican a falta de resposta do concello e insisten en pedir o arranxo dunha estrada

A asociación de veciños da parroquia xalleira de San Xoán de Grixoa vén de presentar unha nova solicitude na que demanda o arranxo das deficiencias existentes nun vial que foi acondicionado con fondos do POS provincial.

Desde a asociación, dez semanas despois da anterior petición, demandan “que se repare a vía conforme o establecido no proxecto e se fagan as modificacións necesarias para que a auga non invada a vía, causando dano na mesma”. Ademais piden que se respondan ás reclamacións que teñen presentadas e que se faga un informe sobre o estado desta estrada.

“Recordemos que teñen coñecemento do seu deterioro pola mala actuación na execución do proxecto dende o 1 de marzo e despois de 10 SEMANAS, dende o concello ainda non contestaron á reclamación correspondente, nin se iniciou procedemento algún para informar @s veciñ@s afectad@s, nin moito menos, se solventaron os desperfectos” manifestan desde a AAVV de Grixoa.

Lamentan a falta de resposta do goberno local e piden que se “tome conciencia de que o rural non está para vir a recaudar votos e despois relegarnos en función dos intereses do que estea sentado na alcaldía.Ao equipo de goberno recordámoslles, dende unha humilde parroquia do rural, que están vostedes ao servizo d@s veciñ@s todos os días non só cando lles conveña”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,791SeguidoresSeguir
470SuscriptoresSuscribirte

Últimos artigos