Desde a asociación de empresarios de Santa Comba agradeceron a “alta participación” que tivo a xuntanza convocada para tratar sobre o proxecto “Santa Comba en Cores”.
Segundo explicaron desde a patronal xalleira “á reunión asistiron representantes de 24 Asociacións Xalleiras que aportaron moi boas ideas sobre as temáticas que levaremos a cabo”.
Desde a entidade que preside, Alberto Romar, desexan que “sexa un bo punto de partida para comezar a colaborar conxuntamente e de maneira activa en proxectos de interese para o noso municipio”.Mediante o proxecto “Santa Comba en Cores” preténdese “embelecer varios muros do núcleo Xalleiro con diversas temáticas”.
