Hoxe mércores as 11,30 a concelleira Raquel Fondo falará en Radio Xallas
Comunicado dos concelleiros non adscritos
A maioría das opcións que tiñamos para liberar o pobo de Ponteceso de este alcalde foron intentadas e loitadas con todas as nosas ansias pero lamentablemente, a nosa loita non tivo o final que tanto ansiabamos.
Eramos coñecedores de que a lei non estaba da nosa parte xa que existe un artigo que deixa sen validez os nosos votos e niso fundamentanse para tumbar a moción de censura presentada o luns. Ainda así, presentámola porque non perdiamos nada, porque tiñamos consenso con toda a oposición e porque os veciños pedían e merecían que o intentásemos e poder liberar o pobo de un dictador.
Lamentablemente o resultado foi negativo gracias a que a persoa encargada de darlle paso valorou e informou de maneira que non se pode nin chegar a debatir e que logo o decida un xuíz. Esta persoa que se adiantou e emitiu un informe meses antes de ter o expediente sobre a mesa, o cal deixou en evidencia a transparencia dos procedementos municipais.
A situación despois de todo isto non cambiou, o Sr. Alcalde vese coma o claro vencedor da película cando segue sendo grupo con clara minoría. Nas súas declaracións persoais(que por certo, divulga nos perfís oficiais do Concello nas Rrss) chama a cordura e só nos queda dicirlle que siga facendo autoexamen, porque que a lei o ampare e permita que siga sendo o alcalde de Ponteceso non quere dicir que as 10 persoas que conforman o pleno xunto con él están de acordo en que vostede non está capacitado para gobernar, porque nin sabe dialogar nin sabe xestionar e moito menos sabe de transparencia, que é o que lle levamos esixindo hai mais de un ano.
Sexa consciente de que a alcaldía pode mantela pero a maioría non a ten e debería cambiar a súa estratexia se quere que Ponteceso non quede sumido nunha parálise durante dous anos que lle quedan de mandato. Porque será vostede o único culpable de tal situación. Non imos acceder a chantaxes, a mitins improvisados nin menosprezos persoais nas sesións plenarias nin a bloqueos de ningún tipo. Comece por proporcionar a información que lle sexa solicitada se quere levar a cabo as mocións, comece por dar trámite as mocións solicitadas e suxerímoslle que cambie ese trato que recibimos pola súa parte porque aínda coa alcaldia,vostede ten unha oposición de 10 persoas frente a tres do grupo de goberno, das cales precisa se quere que Ponteceso non quede sumido no bloqueo. Estas 10persoas, ao igual que vostede, tamen foron votadas e teñen unha acta a cal tamén foi acadada polo voto dos veciños e polo tanto tamén son a representación dos mesmos pese a non dicir o que vostede quere oir.
A única baza que nos queda é a do partido, a do PsdeG, de que sexa consciente de que prioriza a un alcalde frente a todo un pobo, a un alcalde que fala de inversións de 2000€ mensuais en prensa, fala de “pedir tickets a locales de confianza”, desprecia aos propios traballadores do concello, duplica facturas cos empresarios amigos, etc.
Esa é a representación que teñen en Ponteceso baixo as suas siglas e permiten que siga gobernando sen ningún tipo de consecuencia e sendo os veciños os que paguemos as consecuencias de toda esta turbia xestión. Se realmente lle importara Ponteceso xa o terían apartado do seu posto, e cesarian con este espectáculo deplorable no que o alcalde é o protagonista principal.