Despois da presentación da moción de censura, a non tramitación da mesma, o alcalde Lois García Carballido fixo a seguinte declaración:
«A moción de censura presentada hoxe no Concello de Ponteceso non cumpre os requisitos legais.Fago un chamamento á cordura da corporación municipal de Ponteceso.Como Alcalde, estou dedicado todos os días ao progreso do noso Concello, nun momento moi complicado para a saúde e a economía da nosa xente.
Pido aos e ás asinantes da moción de censura que desistan no seu intento de suplantar a vontade dos electores expresada nas urnas. Cando cheguen as próximas eleccións, poderán presentarse e o electorado falará. Ata entón, temos que chegar a acordos que favorezan os intereses dos veciñose veciñas de Ponteceso. A miña porta continúa, sempre, aberta».