O alcalde de Ponteceso dixo no programa “Na Encrucillada” que non quere falar sobre os concelleiros da oposición “que rexeitan un millón de euros da Deputación” e que “están a destruir todo”.
Entrevista a Carballido- Desde minuto 31
“Non me fale deses concelleiros. É perder o tempo. O que fan non ten nome” afirmou García Carballido que usou a retranca para criticar os seus rivais políticos:”Dixéronme que ían a coller un pico e unha pala e van a romper todas as obras feitas”.
Cómo non vai a estar perdido o POS!! dixo Carballido, que está convencido que fixo todo o posible para buscar diálogo “con ofertas, reunións” e incluso unha convocatoria na Deputación “a que non se presentaron”.
«A xente está petando ás portas do PSOE de Ponteceso»
Esta mesma tarde, chegou a esta redacción un correo anónimo cun pantallazo dun texto que supostamente o Vicepresidente da Deputación, Xosé Regueira, remitiu aos portavoces de PP, APIN e no que se convidaba tamén a un único representante dos non adscritos a unha xuntanza o venres 27 na Deputación.
Pola súa banda, Lois García apostou por “pasar páxina” sobre este asunto e indicou que o “que nos ocupa é traballar para mellorar a vida da xente”, e puxo en valor a renovación da executiva local do PSOE cun equipo “moi activo”, e informou que “a xente está petando ás portadas do Partido Socialista en Ponteceso”.