A xuntanza prevista para a tarde-noite deste mércores no concello de Ponteceso, para falar sobre o Plan de Obras non chegou a celebrarse.
O alcalde Lois García Carballido asegurou que os representantes da oposición chegaron á hora estipulada do encontro pero “marcharon e non quixeron sentarse cos tres concelleiros go goberno de Ponteceso”.
Segundo Carballido “a oposición de Ponteceso acaba de tumar a última oportunidade que tiñamos de aprobar Plan de Obras e Servizos”. Lamentou que “agora só hai bloqueos” e que “non contamos coa colaboración do resto dos grupos da oposición”. Confirmou que o vindeiro mércores 28 de abril haberá un pleno extraordinario para volver a tratar este asunto, e antes de que expire o prazo dado pola Deputación.
A opinión de APIN
Desde APIN acusan ao PSOE de incumprir o acordo plenario, xa que a xuntanza era de portavoces xa que “O PSOE preséntase na mesma cos seus tres concelleiros”. Lembran que a portavoz socialista é Noelia Varela.
Desde APIN engaden:”Non cumpren as normas, nin os acordos plenarios, debería caerlle a cara de vergonza alcalde, non portavoz. A vostede non debe interesarlle aprobar o POS, solo quere ser alcalde”.
O malestar tamén chegaba por parte dos non adscritos, que por unha parte criticaban, como APIN, que o PSOE se presentara cos teus tres edís, e que logo chegara a afirmar que os non adscritos non podían estar representados nesta xunta de portavoces.
