O BNG de Corcubión presentou un recurso de reposición contra a resolución da alcaldía de adxudicar as prazas de oficiais de albanelería. Os nacionalistas, como xa informamos fai uns días, denunciaron supostas irregularidades no procedemento.Piden que se anule o proceso e se volva a realizar.
“Pedimos expediente e non había nin rastro da proba de galego e encontrámonos con dúas actas diferentes con diferentes calificacións e na web do concello só había unha”. Advirten tamén que hai un grande malestar e hai persoas afectadas e posiblemente o asunto podería acabar en mans da Fiscalía.
Entrevista a Lois Lado Na Encrucillada desde o minuto 64
“Hai que hai prexudicados e hai que anular o proceso. Os procesos teñen que limpos, con toda claridade e dar igualdade de oportunidades. Non se poden facer tramoiadas destas. E non é a primeira vez que pasa en Corcubión” declarou o portavoz do BNG, Lois Lado, no programa Na Encrucillada de Radio Xallas.
“Hai que rematar con isto. Cada vez que hai un proceso de selección en Corcubión sempre queda a sombra da dúbida” manifestou Lado, xustificando a iniciativa do BNG “por limpeza democrática”. Para este grupo “hai unha serie de irregularidades e o alcalde non pode ser alleo”.
