A concelleira non adscrita, Mónica Vilela Vilela, criticou abertamente a actitude do alcalde Iago Toba no último pleno:”Díxome que era un cancro para Muxía. Hai límites que non se poden pasar”.
Considera ilustrativo que os tres grupos da oposición consigan entenderse e o grupo do PSOE liderado por Toba non:”É unha persoa que non quere falar porque o seu orgullo llo impide”.
Entrevista Iago Toba (minuto 30) – Entrevista Mónica Vilela(min 83)
“Vende fume á xente e chantaxea a oposición”.
Convida ao alcalde a falar e buscar acordos:”Nós estamos para dialogar. Ten a nosa colaboración”. Lembra que o mandatario “é o que ten que ten que xestionar, non a oposición”.
Con respecto a actual situación considera que o rexedor “está indo mal, hai outra forma de xestionar”. Percibe moita propaganda e poucos feitos:”Vende fume á xente e chantaxea a oposición”.
“Ten que comprender que está en minoría”
Xustificou a súa postura no último pleno, pola falta de proxectos e explicacións previas, e tamén polo feito de ter “un orzamento para pagar” moitas das cousas que pretendía sufragar co remanente municipal.Mónica Vilela nega que sexa unha transfuga:”Él recoñeceu que me puxo fóra do PSOE. Eu non vou a estar con quen non me quere”.
“Ten que comprender que está en minoría e saber cales son as prioridades para Muxía. Vende fotos pero non hai nada”. Sobre o futuro Vilela manifesta:”Se a postura segue sendo a de non dialogar, vai a ser un problema que terá que explicar”.
O vindeiro xoves estará no programa Na Encrucillada o voceiro do BNG, Carlos Fernández Concheiro
