//O alcalde lembra que a oposición ten a ferramenta da moción de censura pero que todo o mundo “intúe” os motivos de que non a presenten//
AUDIO- ENTREVISTA IAGO TOBA(MINUTO 30)- MÓNICA VILELA(MIN 83)
O alcalde de Muxía non ten ningunha dúbida que o Partido Popular, o BNG e os non adscritos “teñen un pacto totalmente armado. O que eu lle chamo o Pacto da Vergoña. Este pacto da vergoña quitándolle aos muxiáns o que é deles”.
E que segundo a versión de Iago Toba xa xurdiu fai meses co “obxectivo de demostrar que estábamos en minoría e ter que rendir pleitesía”.
Autoridade para gobernar
Deixa claro que vai continuar gobernando e que a súa situación “non vai a ser sinónimo de chantaxe, rendición nin escurantismo. Síntome con autoridade para gobernar porque así o dixeron os veciños de Muxía”. O alcalde lembra que a oposición ten a ferramenta da moción de censura pero que todo o mundo “intúe” os motivos de que non a presenten.
“A portavoz do PP xa dixo que se me ia a complicar a gobernabilidade” apuntou o alcalde que tamén inclúe ao BNG nesa suposta estratexia común:” Antes de sentarnos na mesa xa sae (O BNG) nos medios de comunicación dando ultimátums. E os diálogos non se empezan así”
Unión da oposición que obstaculiza mellorar para Muxía
Iago Toba ten claro que “estas tres forzas políticas que están unidas van a seguir nesta dirección, obstaculizando melloras para Muxía”.Cualificou de “manipulación burda” que Sandra Vilela afirmara en Radio Xallas que o PSOE votara en contra da auga de Suxo:”Votamos en contra da enmenda que cuarta toda a nosa proposta”.
Sobre a división veciñal que lamenta o PP asegura:”Hai división de das partes. Está o pobo e están eles´”. Pensa que o último pleno “foi un auténtico fracaso para a veciñanza”, e aínda que non está “ogulloso” das formas empregadas na sesión sí no fondo.
Insiste que é consciente da tributo que ten que pagar por non gobernar para un determinado “lobbie” pero sinala que “non vou traicionar a miña ética e a miña moral”.