Foto- Arquivo
Info- AXEGA 112
Un operario foi evacuado a bordo do helicóptero medicalizado do servizo de urxencias sanitarias ao mediodía de hoxe despois de sufrir un accidente cunha máquina agrícola no lugar da Picota, no concello de Mazaricos.
Segundo a información facilitada ao 112 Galicia polos equipos de intervención que acudiron ao lugar dos feitos, o traballador foi atropelado polo vehículo e sufriu lesións de diversa consideración.
Ás 13:00 horas, os xestores do 112 recibiron a chamada dunha persoa particular que solicitaba asistencia médica para o operario ferido, que atopábase liberado e accesible. Deseguido, pasouse aviso aos profesionais de Urxencias Sanitarias de Galicia-061, que mobilizaron ata o lugar a aeronave medicalizada con base en Santiago.
Para prestar apoio ao equipo médico, desde o 112 avisouse tamén aos Bombeiros de Santa Comba, ao GES de Muros, aos axentes da Garda Civil e aos membros de Protección Civil da localidade.