“Se volve co mesmo POS, tocará a mesma resposta. Non pode levar a súa idea a cabo se está en minoría”. Así de contundente amosouse Daniel García Cotelo no programa radiofónico “Na Encrucillada” de Radio Xallas.
Incluso Cotelo ofreceuse a negociar sobre Plan de Obras de Carballido con modificacións con respecto ao gasto. Pero hai unha condición:”O señor Lois ten que apartarse a un lado”.
Entrevista a Daniel García Na Encrucillada- Minuto 30
Explican os populares que o problema non só é o POS 2021, “serán os orzamentos e os próximos Plans de obras. Ponteceso está perdendo subvencións. Temos problemas nas obras. O PSOE e o goberno de Ponteceso está desguazado. A situación é insostible”. Tanto PP como non adscritos solicitaron unha xuntanza co Presidente da Deputación.
Críticas a González Formoso
Pola súa banda, o viceportavoz do PP na Deputación, Evaristo Ben Otero, mostrouse dispostos a colaborar para encontrar unha solución “legal” e con “seguridade xurídica suficiente”, para que non se perdan os fondos provinciais.
Critican a “soberbia” do alcalde de Ponteceso:”É o señor García Carballido o que, estando á fronte dun goberno minoritario, e en minoría tamén dentro dun grupo municipal dinamitado polas guerras internas, ten a desvergoña de presentar a súa proposta paa o POS aúltima hora e sen acordar co resto dos grupos”.
Evaristo Ben tamén tivo mensaxe para González Formoso:“É o presidente dos grandes anuncios. O presidente das boas palabras, dos bos xestos, pero tamén dos nulos acordos e moito menos dos feitos concretos”,
