10.9 C
Santa Comba
viernes, marzo 29, 2024

“Nos tempos que estamos, non é oportuno aprobar dúas adicacións parciais, que nos van a custar aos veciños de Zas uns 41.000 euros anuais”

O portavoz do Partido Popular de Zas, David Gómez Brandariz, participou no programa “Na Encrucillada”, onde se referiu os novos soldos políticos aprobados polo goberno local, ás taxas do Tanatorio e as obras previstas na contorna da ponte de Baio.

Máis de 83.000 euros anuais para soldos políticos

“Nos tempos que estamos, penso que non é oportuno aprobar dúas adicacións parciais, que nos van a custar aos veciños de Zas uns 41.000 euros anuais. Penso que non é o momento e sobra moito onde gastar estes cartos” declarou Gómez Brandariz.

Lembrou que xa existe o soldo do alcalde, Manuel Muíño, que percibe 42.000 euros brutos anuais e polo tanto “tres adicacións son demasiadas para a carga de traballo que ten este concello de menos de 5.000 habitantes”.

Escoita a entrevista con David Gómez – minuto 61

Tanatorio municipal

Sobre esta actuación David Gómez indica que ten “un dos prezos máis altos da zona” e “non acabamos de entender como o proxecto máis grande do alcalde é Tanatorio municipal, onde se gastaron máis de 500.000 euros e ao final os veciños non teñen ningún beneficio máis co seu uso, que non terían se o montara unha empresa privada”.

Sen Orzamentos

Outra queixa dos populares é a falta de orzamentos:”Non tivemos orzamentos no 2020 e no 2021 non ten moita pinta de que se aproben. Iso, cun goberno que ten maioría absoluta é indicativo de que se está traballando pouco.Están facendo pouco. Temos tres dedicacións pero non aprobamos os orzamentos”

Ponte de Baio

David Gómez cualificou de “noticia boísima” o avance da licitación da mellora na ponte de Baio:”É unha obra necesaria e moi demandada polos veciños de toda a contorna”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos